هموم بلا حدود

كيف أسامح
والجروح بوسط قلبي ما تسامح...
كيف أسامح
والملامح كلها ما هي ملامح
غيروني يا قساهم ...ضيقو صدري معاهم...وأوجعوا كل الجوارح ...
كيف أسامح
قلت يا قلبي تناسا قال لا...
لا ولا يمكن أغض الطرف عنهم...
أوهمموني بالغلا وغربوني وكنت أظن اني وطنهم...
آآآآه يا خيبت ظنوني...ويا قهر يسكن طعوني...ويا تعب عيا يصالح...
كيف أسامح
انتهيت وكل ما فيني تحول...
والتسامح كان أول...
قبل تتشوه قلوب...قبل لا يمسي علي حزن الغروب... قبل أخاف وقبل أون...
انتهيتوا من حياتي ولا أظن اني بحن أو أسامح...
كيف أسامح
لا...ما أقدر أسامح... والجروح بوسط قلبي ما تسامح